كتب : عباس العشاري
أتفق مع الأستاذ عثمان ميرغني في دعوته لإعادة هيكلة أسواق الخرطوم بعد الحرب. خلال طرحك في الفيديو بمطالبة تغير اسواق ووسط الخرطوم
الخرطوم تستحق أسواق عصرية، نظيفة، ومنظمة تليق بتاريخها.
ولكن…
يا أستاذ عثمان، الحرب لم تهدم الأسواق فقط. الحرب كشفت ،الجرح الأكبر: سلوكنا أثناء الحرب
خلينا نتكلم بصراحة وبدون تجميل. أثناء النزوح والخروج المؤسف من الخرطوم ومدن أخرى، ظهرت أسوأ ما في بعض البشرالجشع: من رفع سعر الترحيل 10 أضعاف. من باع سرير ومرتبة لنازح بأضعاف ثمنها.نهب بيوت الجيران الفاضية اتفتحت. دكاكين اتكسرت. الشيء الما حقك بق حلال.الأنانية في المعسكرات وفي .طبعا
ما كل السودانيين طبعاً. فيهم الشرفاء الذين وقسموا اللقمة.
لكن الغالبية ، والقِلّة السيئة صوتها كان عالي.
لو جبنا أحدث سوق في العالم وحطيناه في الخرطوم، وبنفس السلوك
بعد فترة وجيزة حترجع الفوضى + وسخ + سماسرة + رشوة + استغلال.نريد منك ياستاذنا الفاضل عالم الصحافة عثمان فيدبوهات توعية بعد الحرب محاسبة النفس أولاً واصدار قوانين صارمة كل الدول التي تقدمت باحترامها للقانون لازم نعترف سلوك بعض السودانين هو تحطيم الدول. ميثاق الشرف ، نعم للنظافة، نعم لاحترام القانون.بعد ما نغير البني آدم تعال غيّر السوق.
يا أستاذ عثمان، الأسواق تُبنى بالطوب. والأوطان تُبنى بالسلوك.ويجب اولا
نغير الحرب الجوانا
عشان الخرطوم القادمة تكون حقاً خرطوم جديدة
بتغير سلوكنا أولاً… ثم نغير أسواقنا. تحياتي وتقديري لاستاذنا الفاضل عثمان ميرغني لطرحك.واقول ليك
الخرطوم حترجع بسواعد وسلوك أهلها
